Astanaǵa jaqyn aýyldarda 300 oryndyq eki jańa mektep paıdalanýǵa beriledi - Aqmola oblysy (FOTO)
KÓKShETAÝ. QazAqparat - Bıyl Tselınograd aýdanynda árqaısysy 300 oqýshyǵa arnalǵan eki jańa mektep paıdalanýǵa beriledi. Bul týraly Aqmola oblysynyń ákimi Sergeı Kýlagınniń aýdanǵa jumys sapary barysynda aıtyldy.
Eske sala keteıik, osy kúni Tselınograd aýdanynyń Talapker aýyldyq okrýgine qarasty №96 razezde jáne Taıtóbe aýylynda 300 oryndyq jańa mekteptiń qurylysy júrgizilýde. Atalǵan bilim ordalarynyń ekeýi de jospar boıynsha 2013 jyly paıdalanýǵa berilýi kerek edi. Alaıda, merdigerlerdiń salǵyrttyǵynan qurylys jumystary sozylyp, bıylǵy jyly ǵana aıaqtaý kózdelip otyr. №96 razezdegi orta mekteptiń qurylysyna barlyǵy 547 mıllıon teńge qarjy bólingen. Qurylys jumystaryn 2011 jyly merdiger «Almat Kókshetaý» JShS qolǵa alyp, keıin aıaqsyz qaldyrǵan. Osy kúni sot arqyly atalǵan nysannyń qurylysy «Qazbaılyq Astana» seriktestigine berilip otyr.
Seriktestik basshysy Nurtaı Habdýlınniń sózine qaraǵanda bilim ordasyn bıylǵy jyldyń qyrkúıek aıynda tapsyrý josparlanǵan.
Taıtóbe aýylyndaǵy mekteptiń qurylysy da alǵashqy merdigerderden sot arqyly tartyp alynyp, «Elektrosetstroı» seriktestigine senip tapsyrylǵan. Bul nysandy aldaǵy jıyrma kúnniń ishinde aıaqtaý kózdelegen. Qazirgi kezde negizgi jumystar aıaqtalǵan. Ǵımarat mańy abbattandyrylý ústinde.
Atalǵan bilim ordalarynyń qurylysymen tanysqan aımaq basshysy merdigerlerge barlyq jumysty belgilengen merzimde aıaqtaýdy tapsyrdy.
