Astanaǵa umytylmas boks keshin syılaǵym keledi - G. Golovkın
ASTANA. QazAqparat - Gennadıı Golovkın bolashaqta jekpe-jektiń birin Qazaqstan astanasynda ótkizýdi josparlaýda. Bul týraly ol búgin Astanadaǵy Nazarbaev Ýnıversıtetinde otandyq jankúıerlermen jáne BAQ ókilderimen kezdesýi barysynda málim etti.
"Men Astanada jekpe-jek ótkizýdi qatty armandap júrmin. Bul oıymdy Astana ákimine aıttym. Elordaǵa umytylmas boks jekpe-jegin ótkizsem deımin. Bul múmkin. Qazaqstan astanasynda úlken boks keshi bolǵanyn qalaımyn. Qashan bolatynyn ázirge bilmeımin, biraq ondaı oı bar", - dep atap ótti Golovkın.
