Astanaǵa Túrkııadan «Galatasaraı» jankúıerleri óte az keletini belgili boldy
ASTANA. QazAqparat - 30 qyrkúıek kúni ÝEFA Chempıondar Lıgasynyń toptyq kezeńinde syrt alańda oınaıtyn «Galatasaraı» klýbynyń Astanaǵa keletin jankúıerleriniń sany shamamen 200-300 adam. Onyń ózi túrkııalyq klýbtyń qyzmetkerleri nemese resmı áriptesteriniń ókilderi ǵana. Bul týraly búgin «Astana» klýbynyń bas menedjeri Qaısar Bekenov málim etti.
«Bizdegi málimet boıynsha, «Astana»-«Galatasaraı» matchynda qonaqtar tarapynan jankúıeler óte az keledi. Shamamen 200-300 adam keledi dep kútilýde, onyń ózi - klýbtyń qyzmetkerleri nemese komandanyń resmı áriptesteri. ıAǵnı, matchqa «Galatasaraıdyń» jankúıerleri aǵylyp kelmeıdi», - degen Q.Bekenov bul sózine mynandaı dálel keltirdi.
«ÝEFA-nyń reglamentine sáıkes, qonaqqa keletin komanda macht ótetin stadıonnyń jalpy syıymdylyǵyna sáıkes, bıletterdiń 5 paıyzyn satyp ala alady. Al «Astana-Arena» stadıonynyń syıymdylyǵy boıynsha, 5 paıyz degenimiz - 1500 bılet. Biraq, osy aptada «Galatasaraı» komandasy bizge resmı hat joldady. Hatta kórsetilgendeı, komanda osy kvotany, ıaǵnı, 1500 bıletti satyp almaıtynyn rastady. Esesine, bul bıletter endi óz jankúıerlerimizge salytatyn boldy», - dep túsindirdi Q.Bekenov.
Esterińizge sala keteıik, 30 qyrkúıek kúni «Astana-Arena» stadıonynda ótetin «Astana»-«Galatasaraı» bıletteriniń 80 paıyzy satylyp ketken.
