15:16, 18 Sáýir 2017 | GMT +6
Astanaǵa Túrikmenstan prezıdenti keldi
ASTANA. QazAqparat - Túrikmenstan prezıdenti Gýrbangýly Berdimuhamedov memlekettik saparmen Astanaǵa keldi, dep habarlady «QazAqparat» HAA tilshisi.
Buǵan Túrikmenstan memlekettik aqparattyq agenttiginiń habarlaýynsha, «kezdesý túrkimen-qazaqstandyq dostyq qatynastar tarıhyna mańyzdy taraýdy engizýge arnalady».
Agenttik el Prezıdenti Qazaqstan astanasynda 10 maýsym men 10 qyrkúıek aralyǵynda ótetin «EKSPO-2017» halyqaralyq kórmesine Túrikmenstannyń qatysýy týraly qaýlyǵa qol qoıǵanyn atap ótedi.
Eske salsaq, Gýrbangýly Berdimuhamedov 2017 jyly 12 aqpanda respýblıka prezıdenti bolyp úshinshi merzimge qaıta saılandy. QR Prezıdenti Nursultan Nazarbaev G. Berdimuhamedovti saılaýdaǵy jeńisimen quttyqtap , Qazaqstanǵa saparmen kelýge shaqyrǵan bolatyn.
