Astanaǵa tórt memleket basshysy ekologııalyq sammıtke keldi
ASTANA. KAZINFORM — Elordaǵa 2026 jylǵy Óńirlik ekologııalyq sammıtke qatysý úshin tórt memlekettiń basshysy keldi. Bul týraly Úkimettiń baspasóz qyzmeti málim etti.
Astanaǵa kelgender qatarynda Tájikstan Prezıdenti Emomalı Rahmon, Armenııa Prezıdenti Vaagn Hachatýrıan, Qyrǵyzstan Prezıdenti Sadyr Japarov jáne Túrikmenstan Prezıdenti Serdar Berdymýhamedov bar.
Aıta keteıik, 2026 jylǵy 22-24 sáýir aralyǵynda Qazaqstanda mańyzdy halyqaralyq oqıǵa — Óńirlik ekologııalyq sammıt (ÓES) ótedi.
Bul is-shara — óńirlik yntymaqtastyqty nyǵaıtýǵa jáne turaqty ekologııalyq kún tártibin ilgeriletýge baǵyttalǵan Qazaqstannyń dáıekti saıasatynyń qısyndy jalǵasy.
Sammıt Birikken Ulttar Uıymymen seriktestikte ótkiziledi, sondyqtan BUU júıesiniń beıindi agenttikteri Sammıtti daıyndaýǵa jáne ótkizýge belsendi qatysady.
ıÝNISEF, Jańartylatyn energııa kózderi jónindegi halyqaralyq agenttik jáne Halyqaralyq energetıkalyq agenttik sııaqty iri uıymdarmen negizgi saraptamalyq ári mazmundy qoldaý kórsetedi. Olardyń qatysýy turaqty damýdyń jahandyq basymdyqtaryn eskere otyryp, sammıttiń kún tártibin qalyptastyrýǵa jáne ozyq halyqaralyq tájirıbege súıenýge múmkindik beredi.
