Astanaǵa tennıs juldyzdary jınaldy - Karen Hachanov
ASTANA. QazAqparat – Astanaǵa tennıs juldyzdary jınaldy. Bul týraly álemniń 18-raketkasy, reseılik Karen Hachanov málim etti, dep habarlaıdy QazAqparat tilshisi.
K. Hachanov Astana Open ATP 500 týrnırinde bastapqy kezdesýin álemniń 32-raketkasy, amerıkalyq Maksım Kressımen ótkizip, 6:4, 7:6 (7:3) esebimen jeńiske jetti.
«Mundaı myqty qarsylastarmen jıi oınaı bermeısiń. Sondyqtan, taı-breıkke de daıyndalý kerek. Match sońynda úsh upaı alǵanyma qýanyshtymyn. Eń sheshýshi sátte sátti oınaı bildim. Bul jarystyń quramy óte myqty. ATP 500 deńgeıindegi eń úzdik dodanyń biri deýge bolady. Kileń myqtylar jınalǵan. Jyl aıaqtalýǵa jaqyn, bári de tabysty óner kórsetkisi keledi. Eń kúshtilerimen týrnırdiń aıaǵyna qaraı kezdessem, jaqsy bolar edi», - dedi K. Hachanov.
Karen Hachanov ekinshi aınalymda álemniń 14-raketkasy, horvatııalyq Marın Chılıch nemese reıtıngide 55-satydaǵy germanııalyq Oskar Otteniń bireýimen sheberlik baıqasady.
Eske sala keteıik, budan buryn Elena Rybakınanyń Chehııada álemniń 17-raketkasyn jeńgenin jazǵan bolatynbyz.
Al, Astana Open ATP 500 týrnırinde álemniń birinshi raketkasy jeńilip qaldy.
Foto: ktf.kz
