Astanaǵa tehnıkalyq jumysshylar, muǵalimder, tárbıeshiler, dárigerler qajet

ASTANA. 21 jeltoqsan. QazAqparat - Jyl basynan beri qalalyq jumyspen qamtý qyzmetine 12 508 adam kelse, olardyń 7928-i áıel (63,3 %), 59,7 %-y nemese 7474 adam - 14 pen 29 jas aralyǵyndaǵy jas jigitter men qyzdar.

Jumys izdep kelgen 1114 adam 2020 jumyspen qamtý baǵdarlamasyna qatysýshylar quramyna engizildi, dep habarlaıdy qalalyq Jumyspen qamtý jáne áleýmettik baǵdarlamalar basqarmasynan.

Elordanyń resmı saıtynyń jazýynsha, atalǵan basqarmada elordanyń 439 jumys berýshisinen 737 bos jumys orny bar. Mundaǵy negizgi mamandyqtar - tehnıkalyq jumysshylar men qurylysshy mamandyqtary: jol jóndeý jumysshylary, qara jumysshylar, montajshylar, elektrıkter, gazben, elektrmen dánekerleýshiler, santehnıkter, slesarlar, armatýrashylar, tokarlar men túrli ónerkásip salasynyń ınjenerleri. Sondaı-aq, dárigerler men medıtsınalyq qyzmetkerler, muǵalimder men mektepke deıingi mekemelerdiń tárbıeshileri, daıashylar men aspazdar jáne basqa da mamandyqtar.