«Astanaǵa tartý» jyrshy-termeshiler kontserti ótedi
ASTANA. QazAqparat - Shildeniń 4 kúni Astanadaǵy Kongress-Holl saraıynda jyrshy termeshilerdiń «Astanaǵan tartý» atty merekelik kontserti ótedi. Keshti belgili jyraý, memlekettik syılyqtyń ıegeri Bekbolat Tileýhan júrgizedi.
Baǵzy zamannan qazaq on saýsaǵynan óneri tamǵan daryndy halyq. Kez kelgen toı-domalaq, kóńildi ortalar án-jyrsyz, kúmbirlegen kúısiz ótpegen. «Astanaǵa tartý» kontserti elorda turǵyndary boıynda ulttyq rýhty jandandyryp, qazaq halqynyń baǵa jetpes mádenı murasynan sýsyndatýdy maqsat tutady. Keshke ár óńirlerden kelgen Arslanbek Soltanbek (Reseı), Serjan Musaıyn (Qaraǵandy), Berik Júsipov (Qyzylorda), Qaırat Kákimov (Atyraý), Jetkizgen Seıitov (Mańǵystaý), Qurmanbek Bekpeıisov (Qyzylorda), Jáken Omarov (Shymkent), Tileýles Qurmanǵalıev (Almaty), Aqan Ábdýalıev (Almaty), Alǵysbek Dáýen (Almaty) syndy jyrshy termeshiler qatysady.
Al astanalyqtardan Erlan Rysqalı, Klara Tólenbekova, Elmura Jańabergenova, Ibragım Eskendir men Serik Ospanov bul keshte kórermen kózaıymyna aınalmaq.
Kontsert bıletterin «Qazaqstan» ortalyq kontsert zalynyń, Kongress-holl men Jastar saraıynyń kassalarynan jáne qaladaǵy saýda oıyn-saýyq ortalyqtarynan satyp alýǵa bolady, dep habarlaıdy kazaitys.kz.
