«Astanaǵa tartý» jas aqyndar músháırasy jarııalandy
ASTANA. QazAqparat - Astana qalasynyń Qoǵamdyq damý isteri basqarmasy Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyn júzege asyrý men elordanyń 20 jyldyq mereıtoıyna arnalǵan aqyndar músháırasyn jarııalady, dep habarlaıdy Astana qalasy ákimdiginiń resmı saıty.
Múshaıra «Astana - jastar júreginde», «Astana - jıyrmadaǵy jas qala» jáne «Erkin taqyrypta» ótedi. Músháıraǵa 16-28 jas aralyǵyndaǵy barlyq jas aqyndar qatysa alady.
Jeńimpaz aqyndarǵa baǵaly syılyqtar qarastyrylǵan: 1 oryn - 1 adam - 300 000 teńge, 2 oryn - 2 adam - 200 000 teńge, 3 oryn - 3 adam - 100 000 teńge, «Eń úzdik 4 jas aqyndar» 50 000 teńge. Eń úzdik 30 aqynnyń óleńderi jınaqtalyp kitap retinde shyǵarylady jáne joba sońynda qorytyndy marapattaý kontserti ótedi.
Músháıraǵa qatysýǵa ótinimder men óleńderdi 2018 jyldyń 14 qazanyna deıingi aralyqta https://jasaqyn.kz saıtyna tirkelip, (jasaqyn.kz@mail.ru) jáne (jasaqyn.kz@gmail.com) elektrondyq poshtalarynyń birine óleńderdi jiberý qajet. Qosymsha aqparatty (Instagram (@jasagyn.kz) jáne (Facebook (jasagyn.kz), (VK (jasagynkz), paraqshalarynan alýǵa bolady.
