Astanaǵa talantymen álemdi tabyndyrǵan balet jáne opera juldyzdary kele jatyr
ASTANA. 26 maýsym. QazAqparat - Joǵary klassıka óneriniń 2005 jyldan bastap Astananyń týǵan kúni qarsańynda ótkizilip kele jatqan «Operalııa» festıvalin jyl saıyn Mádenıet jáne aqparat mınıstrligi uıymdastyrady.
«Operalııa» arqasynda Astana turǵyndary men qala qonaqtary álemniń úzdik teatrlaryndaǵy balettiń kórnekti solısteri men tanymal opera ánshileriniń ónerimen tanysýǵa múmkindik alýda.
1 shilde kúni saǵat 19.00-de Astana qalasyndaǵy «Qazaqstan» ortalyq kontsert zalynda «Operalııa-2012» halyqaralyq festıvali aıasynda «Álemdik balet juldyzdary» gala kontserti ótedi.
Oǵan álemge áıgili Roberta Markez, Arıonel Vargas (Anglııa), Derek Dann, Marııa Kovroskı, Ask lıa Kýr Rasmýssen (AQSh), Ma Sıandon, Chjan Sınlıý (Qytaı ulttyq operasy), Hýan Kaıa, Shıga ıAkýe (Japonııa), Máskeýdegi Úlken teatr solısteri Ekaterına Krysanova, Vladıslav Lantratov (Reseı), sonymen qatar ózimizdiń K.Baıseıitova atyndaǵy Ulttyq opera jáne balet teatrynyń jetekshi solısteri Madına Basbaeva, Rústem Seıitbekov, Áıgerim Beketaeva, Taır Gataýov, Gaýhar Ýsına, Jandos Áýbákirov jáne Abaı atyndaǵy Memlekettik akademııalyq opera jáne balet teatrynyń balet ártisteri Sáýle Rahmedova, Azamat Asqarov óner kórsetedi.
