Astanaǵa «Symphonicity» kontserttik baǵdarlamasymen álem juldyzy Stıng keledi
ANA. 3 maýsym. QazAqparat /Gúlmıra Álıakparova/ - 4 shilde kúni Astanadaǵy «Saryarqa» respýblıkalyq velotrekte álemge belgili ánshi Stıngtiń kontserti bolady. Aqparat Astananyń merekelik is-sharalar saıtynda jarııalandy.
Resmı saıttyń málimetine súıensek, Stıngtiń «Symphonicity» baǵdarlamasyna ánshiniń jeke oryndaýyndaǵy hıt ánderi jáne sımfonııalyq orkestrmen aıtylatyn ánder engen.
Óz kezinde Stıngtiń oryndaýyndaǵy ánder uzaq ýaqyttar boıy hıt-sherýlerdiń eń joǵarǵy satylarynan túspeı, oǵan kóptegen ataq alyp kelgen bolatyn. Ánshiniń ol ánderi mýltıplatınalyq albomdarǵa enip, kúı tabaqtar 100 mln. kóshirmemen satyldy.
Brıtanııalyq ánshi 13 maýsym kúni Máskeýde qazaqstandyq jýrnalısterge eksklıýzıvti suhbat beretin bolady.
