Astanaǵa segiz aıda 28 myńǵa jýyq adam turaqtady
ASTANA. 22 qazan. QazAqparat - 2013 jyldyń qańtar-tamyzynda elordaǵa 27615 adam kelip, 17242 adam ketti. Bul týraly astana.kz saıtyna Statıstıka departamentinen habarlady.
«2013 jyldyń qańtar-tamyzynda 2012 jyldyń sáıkes merzimimen salystyrǵanda Astana qalasyna kelgender sany 22,2%, ketkender sany 21,6% azaıdy», - delingen aqparatta.
Qalanyń negizgi kóshi-qon almasýy óńiraralyq kóshi-qon esebinen qalyptasqan: 2013 jyldyń qańtar-tamyzynda kelgender - 16268 adamdy, ketkender 6928 adamdy quraıdy.
Budan basqa, elordaǵa ózge elderden de keletinder bar. Astana qalasynyń myna TMD elderimen kóshi-qon aıyrymy oń mándi: Ózbekstan (+429 adam), Qyrǵyzstan Respýblıkasy (+187 adam), Reseı Federatsııasy (+52 adam), Ázirbaıjan (+26 adam), Armenııa (+16 adam), Tájikstan (+10 adam), Ýkraına (+7 adam) jáne Túrkimenstan (+2 adam).
Basqa eldermen oń mándi kóshi-qon aıyrymy, negizinen, Qytaı (+260 adam), Mońǵolııa (+33 adam), Túrkııa (+26 adam), Grýzııa (+7 adam) jáne AQSh-pen (+5 adam) qalyptasty.
Aıta keteıik, ulty boıynsha kóshi-qondar qurylymyndaǵy aıtarlyqtaı úles salmaqty qazaqtar kelgenderdiń jalpy sanynan 87% jáne ketkender sanynan 85,5% alady.
Kelgender men ketkender arasynda orystardyń úlesi 7% jáne 9,3%, ýkraındar - 0,9% jáne 1,1%, koreıler 0,8% jáne 0,5%, tatarlar 0,7% jáne 0,9%, nemister 0,5% jáne 0,8%, tıisinshe ózge ulttar 3,1% jáne 1,9% quraıdy.
