Astanaǵa Ózbekstan men Pákistan prezıdentteri keldi
ASTANA. QazAqparat - Elordada ótetin Shanhaı yntymaqtastyq uıymy sammıtine qatysý úshin Ózbekstan Prezıdenti Shavkat Mırzıeev pen Pákistan Prezıdenti Mamnýn Hýseın keldi, dep habarlaıdy QazAqparat.
Buǵan deıin atalǵan halyqaralyq jıynǵa qatysý úshin Astanaǵa Aýǵanstan Prezıdenti Ashraf Ganı Ahmadzaı, Mońǵolııa Prezıdenti Tsahıagıın Elbegdorj jáne QHR Tóraǵasy Sı Tszınpınniń kelgenin habarlaǵan bolatynbyz.
Aıta keterligi, ShYU sammıti barysynda Pákistan men Úndistan atalǵan uıymǵa múshelikke qabyldanady dep kútilýde. Osylaısha, ShYU jer turǵyndarynyń 40 paıyzyn, álem ekonomıkasynyń shamamen úshten birin qamtıtyn bolady. Búginde uıymǵa Reseı, Qytaı, Qazaqstan, Qyrǵyzstan, Tájikstan jáne Ózbekstan elderi múshe. Qazirgi ýaqytta ShYU tóraǵasy - Qazaqstan. Erteńgi sammıt barysynda tóraǵalyq Qytaı tarapyna ótedi.
