Astanaǵa Ońtústik Koreıanyń bylǵary qolǵap sheberleri keldi

ASTANA. KAZINFORM – Elimizdiń bas qalasyna bokstan álem kýbogine qatysatyn Ońtústik Koreıa boksshylary keldi.

QR Boks federatsııasy málimetinshe, Ońtústik Koreıa quramynda Olımpıada jáne Azııa chempıonattarynyń júldeger boksshylar bar.

Atap aıtqanda, erler sapynda 2012 jylǵy London Olımpıadasynyń kúmis júldegeri Sýnchýl Han, 2018 jylǵy Azııa oıyndarynyń jeńimpazy, Azııa chempıonatynyń úsh dúrkin chempıony O Endjı.

Áıelder komandasynda 2024 jylǵy Parıj Olımpıadasynyń qola medal ıegeri Eıdjı Im (50kg) Ońtústik Koreıa namysyn qorǵaıdy.

Budan bólek, AQSh, Kanada, Frantsııa, Fınlıandııa, Shvetsııa, Shveıtsarııa, Ázarbaıjan, Avstralııa, Germanııa taǵy basqa memlekettiń boksshylary Astanada oqý-jattyǵý jıynyn ótkizip jatyr.

29 maýsymǵa deıin barlyq memlekettiń sportshylary Astanaǵa jınalady.

Tartysty doda 30 maýsym men 6 shilde aralyǵynda Astanadaǵy Jaqsylyq Úshkempirov atyndaǵy jekpe jek saraıynda ótedi.

Astanada ótetin álem kýbogynda 30 memlekettiń boksshylary baq synaıtynyn jazǵan bolatynbyz.