Astanaǵa Nıderland Premer-mınıstri keledi

ASTANA. KAZINFORM – 10 mamyrda Astanaǵa Nıderlandy Koroldiginiń Premer-mınıstri Mark Rıýtte keledi.

Bul málimetti Syrtqy ister mınıstrligi rastap otyr.

Nıderlandy basshysy sapar aıasynda Qazaqstan Prezıdenti Qasym-Jomart Toqaevpen kezdesip, Tsıfrlyq damý, ınnovatsııalar jáne aeroǵarysh ónerkásibi mınıstrliginiń jumysymen tanysatyny aıtylýda.

Premer-mınıstrdiń sapary týraly habarlandyrý Gollandııa úkimetiniń resmı saıtynda da jarııalanǵan.

Onda sapardyń maqsaty Nıderlandy men Qazaqstan arasyndaǵy ekijaqty jáne ekonomıkalyq baılanysty nyǵaıtý, sondaı-aq álemdegi geosaıası jaǵdaıdy talqylaý ekeni aıtylǵan.

M.Rıýtteni Qazaqstan Prezıdenti Q.Toqaev qabyldaıdy. Kún tártibinde ekijaqty jáne ekonomıkalyq qarym-qatynas, onyń ishinde sý sektoryndaǵy yntymaqtastyq máseleleri qaralady.

Tústen keıin sheteldik qonaq elordadaǵy «Amsterdampleıdiń» ashylýyna qatysady. Odan keıin Qazaqstan Respýblıkasy Úkimetinde Nıderlandy men Qazaqstannyń sý sharýashylyǵy salasyndaǵy yntymaqtastyǵy taqyrybyna arnalǵan keńes ótedi.

Sapar Nıderlandy Premer-Mınıstriniń M.Nárikbaev atyndaǵy KazGZÝ ýnıversıtetine saparymen aıaqtalady.