Astanaǵa N.Sats atyndaǵy orys memlekettik akademııalyq balalar men jasóspirimder teatry gastroldik saparmen keldi
ASTANA. 10 sáýir. QazAqparat - Astanada K.Baıseıitova atyndaǵy Ulttyq opera jáne balet teatrynyń sahnasynda N.Sats atyndaǵy orys memlekettik akademııalyq balalar men jasóspirimder teatrynyń gastroli bastaldy.
Eske sala keteıik, QR Mádenıet jáne aqparat mınıstrligi teatrlar men kontserttik uıymdar úshin arnaıy «Otanym - baqyt mekenim» atty shaǵyn qalalardy gastroldik kontserttermen qamtý jónindegi respýblıkalyq jobany iske asyrýda. Onyń aıasynda Qazaqstandaǵy shyǵarmashylyq ujymdardyń gastrolderin uıymdastyrý qarastyrylǵan. Atalǵan jobanyń basyn búgin N. Sats atyndaǵy orys memlekettik akademııalyq balalar men jasóspirimder teatry ashyp otyr.
«Atalmysh jobany ashý quqyǵy bizdiń teatrǵa berilgenine qýanyshtymyn. Qazaqstandyq teatrlar úshin jasalǵan gastroldik karta mádenıet ujymdarynyń damýyna úlken septigin tıgizedi. Mınıstrliktiń arqasynda teatrlar eldegi qalalardy aralaý múmkindigine ıe bolyp qana qoıǵan joq, endi kórermenderimiz otandyq teatrlarymyzdyń san alýan erekshelikterine qanyǵa alatyn boldy», - deıdi teatr dırektory Nadejda Gorobets.
Onyń aıtýynsha, 3 kúnge jalǵasatyn gastroldik sapar aıasynda kórermenderdiń nazaryna Tájikstan Respýblıkasynyń eńbek sińirgen ártisi, rejısser Sultan Ýsmanovtyń qoıylymyndaǵy 5 spektakl usynylady.
Onyń ishinde balalarǵa arnalǵan V.Lıvanovtyń «Bremen mýzykanttary» jáne S.Marshaktyń «Mysyqtyń úıi» ertegileri, sonymen qatar úlkenderge arnalǵan A.Sýhovo-Kobylınniń «Krechınskııdiń úılený toıy» atty belgili pesasy boıynsha «Oıyn», Sh.Aıtmatovtyń «Shyńǵys hannyń aq bulty» jáne Ý.Shekspırdiń «Romeo jáne Djýletta» spektaklderi qoıylady.
Spektaklderde QR eńbek sińirgen qaıratkerleri Tahır Vosılov, Evgenıı Dýbovık, German Bogdanov, QR eńbek sińirgen ártisteri Valerııa Krymskaıa, Olga Korjeva, sonymen qatar teatr ártisteri German Bogdanov, Vladımır Krylov, Tatıana Kostıýchenko, Olga Bobrık, ıÝrıı Gnýsarev, Andreı Pasajennıkov, Іlııas Turmanov, Vıtalıı Kýprııanov jáne basqalary oınaıdy.
