Astanaǵa LRT-nyń taǵy eki jyljymaly quramy jetkizildi
ASTANA.KAZINFORM — Astanaǵa jeńil relsti kólik jelisin (LRT) synaqtan ótkizý boıynsha josparly is-sharalar aıasynda taǵy eki jyljymaly quram jetkizildi. Bul týraly CTS-ke silteme jasap, Astana ákimdiginiń resmı saıty jazdy.
17 jáne 18 qazanda quramdar myna estakadaǵa ornatylady:
• 17 qazanda birinshi quram – Qabanbaı batyr dańǵyly «Astana juldyzy» stellasy mańyndaǵy №104 jáne №105 stantsııalar arasyndaǵy aralyqta;
• 18 qazanda ekinshi quram – Sh. Qaldaıaqov kóshesi men Táýelsizdik dańǵylynyń qıylysynda, №113 (Mınıstrlikter úıi) jáne №114 (Ulttyq mýzeı) stantsııalar arasyndaǵy aralyqta.
18 qazan saǵat 00:00-den 19 qazan saǵat 06.00-ge deıin mamandandyrylǵan tehnıkany paıdalana otyryp, kóterý-montajdaý jumystaryn oryndaýǵa baılanysty Sh.Qaldaıaqov kóshesi men Táýelsizdik dańǵyly qıylystarynda kólikterdiń qozǵalysy ýaqytsha shekteledi.
Eske sala keteıik, 29 qyrkúıekten bastap Astanada jeńil relsti kólik júıesi synaqtyq paıdalanýy bastaldy. Bul – ınfraqurylymnyń tehnıkalyq daıyndyǵyn, qozǵalys qaýipsizdigin jáne jolaýshylar úshin qolaılylyǵyn tekserýge múmkindik beretin mańyzdy kezeń ekeni habarlandy.
Al LRT poıyzdaryn iske qosý ýaqyty men jol aqysyna qatysty málimetpen tanysqyńyz kelse, myna siltemege ótińiz.