Astanaǵa LRT kerek pe – Elorda ákimi pikir bildirdi

ASTANA. QazAqparat – Ortalyq kommýnıkatsııalar qyzmetinde ótken brıfıngide elorda ákimi Jeńis Qasymbek LRT jobasyn sońyna jetkizý jóninde pikir bildirdi, dep habarlaıdy QazAqparat tilshisi.

«Jobany iske asyrý boıynsha ártúrli pikirler men kózqarastar bar. Ǵylymı turǵydan alǵanda, halqy 2 mıllıon nemese 1,5 mıllıonnan asatyn qalada jelilik qoǵamdyq kólik bolýy kerek. Ol jerasty nemese jerústi kóligi bolsyn. Sondyqtan meniń jeke pikirim, bolashaqta megapolıste mundaı kólik bolýǵa tıis. Al biz 2030 jylǵa qaraı elorda halqy 2 mıllıonǵa jetedi dep boljap otyrmyz», - dedi Jeńis Qasymbek BAQ ókilderiniń saýalyna jaýap bere otyryp.

Ákim jobanyń qurylysyn jalǵastyrýǵa bıyl 50 mlrd teńge bólingenin atap ótti.

Jalpy, LRT-ge búginge deıin shamamen 600 mln dollar jumsaldy.