Astanaǵa qydyryp kelgen «qonaq» bir túnniń ishinde eki kólikti urlap, úsheýin tonap ketken
NUR-SULTAN. QazAqparat – Polıtsııa qyzmetkerleri kólik urlap jáne kólikterdi tonaǵany úshin «elorda qonaǵyn» ustady, dep habarlaıdy QazAqparat astanalyq polıtsııa departamentiniń baspasóz qyzmetine silteme jasap.
Elordanyń krımınaldyq polıtsııa qyzmetkerleri jedel-izdestirý kezinde 2 ret kólik urlap, 3 ret kólik tonaǵan 19 jastaǵy Ereımentaý qalasynyń turǵynyn ustady.
Tergeý barysynda anyqtalǵandaı, jigit kúndizgi ýaqytta dabyl júıesi joq kólikterdi anyqtap, belgilep qoıǵan. Keıin bir túnniń ishinde akkýmýlıator batareıalary men 2 kólikti urlap ketken.Ustalýshy Nur-Sultan polıtsııa departamentiniń ýaqytsha ustaý oqshaýlaǵyshyna qamaldy. Onyń basqa da qylmystarǵa qatysy bar-joǵy tekserilip jatyr.
«Osy tulǵanyń áreketinen zardap shekken azamattardyń myna mekenjaıǵa habarlasýyn suraımyz: Nur-Sultan qalasy, Beıbitshilik kóshesi, 19, 8 (7172) 71-60-69; 71-60-28 nemese 102», - dep túsindirdi vedomstvodan.
