Astanaǵa kúzde keletin avtokerýender polıtseılerdiń qorǵaýyna alyndy
ASTANA. QazAqparat - Astana polıtsııasy qyzmetkerleri elordada aýyl sharýashylyǵy jármenkelerin ótkizý kezeńinde jol jáne qoǵamdyq qaýipsizdikti qamtamasyz etedi.
Aıta keteıik, jyl saıyn qalalyq ákimdiktiń bastamasymen dástúrli túrde aýyl sharýashylyǵy ónimderiniń jármeńkeleri uıymdastyrylady.
«Astana qalasy ІІD Ákimshilik polıtsııa basqarmasynyń málimeti boıynsha, aýyl sharýashylyǵy jármeńkeleri kezinde quqyq qorǵaýshylar fermerlerdiń ónimderi tıelgen avtokerýenderdi is-shara ótkiziletin oryndarǵa jetkizip otyrý mindetin moıyndaryna aldy», - delingen qalalyq ІІD málimetinde.
Atap aıtqanda, aǵymdaǵy jyldyń 20 qyrkúıeginen bastap 2 qarashaǵa deıin elordalyq ІІD ÁPB jol-patrýldik polıtsııa ekıpajdary aýmaqtyq ІІO polıtseılerimen alyp kelgen aýyl sharýashylyǵy ónimderiniń avtokerýenderin elordaǵa kireberistegi «Rýbej» qosyndarynan qarsy alyp, qalalyq ákimdiktiń alańyna alyp keledi.
«Urlaý, bopsalaý, tonaý jáne basqa da teris áreketterdiń aldyn alý maqsatynda polıtsııa qyzmetkerleri jármeńke ótetin oryndarda qoǵamdyq tártipti qamtamasyz etedi»,-dep atap ótilgen habarlamada.
