Astanaǵa kýng-fý jaýyngerleri keledi
ASTANA. QazAqparat - 11-13 tamyz aralyǵynda Astanaǵa kýng-fý jaýyngerleri keledi. Olar kórermender nazaryna Kungfu revelations. 9 Scrolls (kýng-fý syry) qoıylymyn usynatyn bolady, dep habarlady QazAqparatqa Astana qalasynyń Mádenıet, muraǵattar jáne qujattama basqarmasynan.
Shoý barysynda ártistik elementtermen aralas qytaılyq dástúrli jekpe-jekter kórsetiledi. Bul ejelgi qoıan-qoltyq urystyń múldem jańa bir túri. Jaýyngerlerdiń aıqyn ári úılestirilgen aıla-áreketteri medıtatıvti praktıkalarmen úılesimdilikte jaqsy energetıka men tynyshtyq sezimin týdyratyn bolady.
Uıymdastyrýshylardyń aıtýynsha, Kungfu revelations janǵa jaıly jaqsy terapııa ári demalys bolyp tabylady. Óıtkeni shoýǵa qatysýshylardyń is-qımylyn baqylaǵan kezde adamnyń denesi bosańsyp, ol óziniń jany men tániniń jańa qyrlaryn tanı bastaıdy.
Bul shoýdyń álemde analogy joq, ol tórtkúl dúnıede keńinen tanymal. Kungfu revelations - Shanhaıda ótken «EKSPO-2010» kórmesi baǵdarlamasynyń basty is-sharalarynyń biri boldy.
Shoý «Astana» kontsert zalynda ótedi. Kirý kuny 700 teńgeden 2000 teńgege deıin. Bıletterdi www.koncertyastany.kz saıtynan satyp alýǵa bolady.
