Astanaǵa kómirdiń 555 tonnasy jetkizildi
ASTANA. QazAqparat - Astanaǵa kómirdiń 555 tonnasy jetkizildi. Bul týraly elorda ákimdiginiń resmı saıtynda habarlandy.
Ondaǵy málimetterge qaraǵanda, qaladaǵy kómirdiń jalpy qory 11 myń tonna.
Astanaǵa jetkizilgen 555 tonna kómirdiń 345 tonnasy - «Shubarkól», 210 tonnasy - «Qarajyra» markili kómiri. Otyn-energetıkalyq keshen jáne kommýnaldyq sharýashylyq basqarmasynda belgili bolǵandaı, 12 jeltoqsandaǵy jalpy kómir qory 11 143,82 tonnany quraıdy. Qazirgi tańda naryqtaǵy kómirge qatysty jaǵdaı turaqty.
Astanadaǵy kómirdiń baǵasy tómende kórsetilgen:
«Shubarkól» tonnasy - 11 400 teńge
«Qarajyra» tonnasy - 13 200 teńge
«Maıkóbe» tonnasy - 12 500 teńge
«Bogatyr kómir» tonnasy - 9000 teńge
«Kýznetskıı» tonnasy - 12 250 teńge
Budan buryn habarlaǵanymyzdaı, otyn-energetıkalyq keshen jáne kommýnaldyq sharýashylyq basqarmasy satýshylarmen baǵany kótermeý jónindegi memorandýmǵa qol qoıǵan bolatyn. Astana ákimdigi kún saıyn naryqtaǵy kómirge qatysty jaǵdaıǵa monıtorıng júrgizip, ony únemi baqylaýynda ustap otyr. «iKomek» qalalyq monıtorıng jáne jedel áreket etý ortalyǵynyń bazasynda turǵyndar úshin arnaıy jedel jeli jumys isteıdi.
