Astanaǵa kelgen týrıster sany 12 paıyzǵa ósti
ASTANA. KAZINFORM — Bul týraly qalalyq Ortalyq kommýnıkatsııalar qyzmetinde ótken baspasóz májilisinde Astana qalasynyń Investıtsııalar jáne kásipkerlikti damytý basqarma basshysynyń orynbasary Maqsat Jańabaev aıtty.
— 2026 jyldyń birinshi toqsanynyń qorytyndysy boıynsha, Astanaǵa 352,2 myń týrıst keldi. Onyń ishinde 67,9 myńy — sheteldik qonaqtar. Bul ótken jyldyń sáıkes kezeńimen salystyrǵanda 12 paıyzǵa kóp. Al 2025 jyldyń qorytyndysynda elordaǵa kelgen týrıster sany 1,6 mıllıon adamǵa jetti. Onyń 380 myńnan astamy — sheteldik týrıster, — dedi ol.
Spıkerdiń aıtýynsha, elordaǵa keletin sheteldik týrısterdiń basym bóligi Reseı, Qytaı, Túrkııa, Germanııa jáne AQSh azamattary. Sonymen qatar Ózbekstan, Qytaı jáne Birikken Arab Ámirlikterinen keletin týrıster sany turaqty túrde ósip keledi.
Sonymen qosa ol qaladaǵy týrıstik salanyń damýyna halyqaralyq forýmdar, mádenı is-sharalar men kontsertterdiń kóbeıýi de yqpal etip otyrǵanyn atap ótti.
Aıta ketelik bıyl Astanaǵa qandaı álemdik juldyzdar keletini týraly jazǵan edik.
