Astanaǵa kelgen taǵy bir týrıst taksıge otyryp aldanyp qaldy
ASTANA. QazAqparat - Astana qalasynyń polıtsııasyna Germanııa azamatynan aryz tústi. Shaǵymǵa sáıkes, ony áýejaıdan qonaq úıge deıin aparǵany úshin 16 myń teńge alǵan, dep xabarlaıdy QazAqparat tilshisi qalalyq ishki ister departamentine silteme jasap.
Tártip saqshylary sheteldik azamatty aparǵan taksı júrgizýshisin ustady. Onyń aıtýynsha, áýejaıda týrıstpen birge er adam boldy. Ol Sátbaev kóshesindegi qonaq úıge deıin jetip, sol jerde taksı qyzmeti úshin 3000 teńgeni tólep ketken. Al sheteldik azamat "deldaldyń" ózinen 16 myń teńgeni sypyryp alǵanyn jetkizdi. Qonaq úıde ol áýejaıdan 4000 myń teńgege kelýge bolatynyn bilgennen keıin polıtsııaǵa aryz túsirgen.
"Qazirgi kezde sotqa deıingi tergeý amaldary júrgizilýde. Áýejaıda sheteldik azamatty taksıge jolyqtyrǵan er adamnyń kim ekeni anyqtalyp jatyr", - delingen baspasóz baıanynda.
Aıta keteıik, buǵan deıin bir taksı júrgizýshisi Astanaǵa kelgen týrısti qonaq úıge aparǵany úshin 40 myń teńge alǵan. Sol úshin jumystan qýyldy. Artynan ol aqshany sheteldik azamatqa qaıtaryp berdi.
