Astanaǵa kelgen Gollıvýd akteri Skott Edkıns: taǵamdar óte dámdi
ASTANA. KAZINFORM – Elordada ótip jatqan Comic Con Astana-2025 gık-festıvaline Gollıvýd akteri Skott Edkıns kelip, jankúıerlerimen kezdesti.
Comic Con Astana-2025 festıvaline eki kúnniń ishinde 29 000-ǵa jýyq adam qatysty. Onyń ishinde Gollıvýd juldyzdary, ataqty kospleıerler, mıllıonnan astam oqyrmany bar blogerler, beıne oıyndar, manga, komıkster jáne taǵy sol sııaqty tanymal adamdar bar. Búgin basty juldyzdy qonaq, Gollıvýd akteri Skott Edkıns boldy.
Skott Edkınsti jankúıerler «Neosporımyı» fılmder serııasyndaǵy ıÝrıı Boıko róli, sondaı-aq «Djon Ýık 4», «Doktor Strendj», «Ip Man 4» fılmderi arqyly jaqsy tanıdy.
Akter jankúıerlermen kezdesýde aldymen Astanadaǵy Comic Con festıvaliniń basqa elderde ótken is-sharalarmen salystyrǵanda joǵary deńgeıde uıymdastyrylǵanyn atap ótti. Sonymen qatar ol Astana týraly da jyly pikir bildirdi.
- Qala óte ádemi. Maǵan kórikti jerler, mýzeılerdi kórsetip, shaǵyn týr uıymdastyrdy, sosyn meıramhanaǵa bardyq. Mundaǵy taǵamdar da óte dámdi. Maǵan sondaı-aq adamdardyń meni qalaı qarsy alǵany qatty unady, - deıdi ol.
Jankúıerler akterden súıikti fılmderi men komıksteri, somdaǵan jáne somdaǵysy keletin keıipkerler týraly surady. Juldyz ártis óz kezeginde «Neosporımyı» fılmindegi ıÝrıı Boıko róline erekshe nazar aýdardy jáne ol ról Skott Edkıns úshin kıno álemine jol ashqan keıipker.
- Men Astanaǵa kelgende, áýejaıda soqqy kúshin tekseretin apparat turdy. Al qurylǵynyń jan-jaǵynda ıÝrıı Boıkonyń sýreti japsyrylǵan eken. Men bul sýretterdi kórip: «Qudaıym-aý, bul men ǵoı!» dedim. Shynymdy aıtsam, Boıko tek zulym adam ǵana emes, ol ardyń adamy. Men ony myqty kúresker retinde kórsetip qana qoımaı, onyń minezin tolyq ashyp kórsetýge tyrystym, - dep atap ótti Skott Edkıns.
Aıta keteıik, elordada úsh kún qatarynan Comic Con Astana ótip jatyr. Gık-festıval - komıks, kıno, oıyn jáne pop-mádenıetti súıetinder úshin kreatıvti ındýstrııanyń mańyzdy oqıǵasy jáne Ortalyq Azııadaǵy eń iri jáne eń tanymal is-shara retinde tanyldy.