Astanaǵa «Qanypezer qubyjyq» kele jatyr

Atap aıtqanda, qazaqtyń alyp jigitteriniń biri Tólegen Aqylbekov pen amerıkalyq Bob Sapp aıqasatyn bolady, dep jazady «Alash aınasy» gazeti.

 Bob Sappty kópshilik akter retinde tanıdy. Ol oın­a­ǵan fılm­der de kınomandar ara­syn­da keńi­nen suranysqa ıe. Máselen, «Ko­nan-Varvar», «Úl­ken Sten», «El­ektra», «Qan men súıek» syndy fılm­derdi bilmeıtin qaýym kem­de-kem shyǵar. Osy týyndynyń bar­lyǵyna da Bob Sapp óz qol­tań­basyn qal­dyrǵan. Degenmen Sapp - birinshi kezekte akter emes, sportshy, tó­beleskish, ere­jesiz jekpe-jek myqty­la­rynyń biri. 1974 jyly dúnıege kelgen. Boıy eki metrge jýyq, salmaǵy bir jarym tsentner. Alǵash ret ere­jesiz jekpe-jekte 2002 jyly tóbe­lesip, qar­sy­lasyn jeńgen. Segiz buryshty alańdaǵy jaýyz­dyǵyna baılanysty kópshilik ony «Aıýan», «Qanypezer qu­by­jyq» atap ketken. Talaı már­te býshıdo rın­ginde ataqty ja­pondardyń óz­derin bir soq­qymen sulatyp otyr­ǵan. Shoýmendigi de bar. Olaı deıtinimiz, sport áleminde «Bob keıbir qar­sylastaryna ádeıi jeńiledi eken» degen sybystar órip júr.

Endi bul «alyp qubyjyq» 8 maýsym kúni Astananyń «Sary­arqa» velotrek kesheninde qa­zaq­tyń qaısar jigiti Tólegen Aqyl­be­kov­pen aıqa­sady