Astanaǵa «Qanypezer qubyjyq» kele jatyr
ASTANA. 22 mamyr. QazAqparat - Maýsym aıynyń basynda Astanada úlken Býshıdo shoý-keshi ótedi. Sol keshte qazaq batyry Tólegen Aqylbekov pen amerıkalyq Bob Sapp tóbelesetin bolady.
Bob Sappty kópshilik akter retinde tanıdy. Ol oınaǵan fılmder de kınomamandar arasynda keńinen suranysqa ıe. Atap aıtqanda, «Konan-Varvar», «Úlken Sten», «Elektra», «Qan men súıek» syndy kartınalar. Osy týyndynyń barlyǵynda Bob Sapp óz qoltańbasyn qaldyrǵan.
Degenmen, Sapp - birinshi kezekte akter emes, sportshy, tóbeleskish, erejesiz jekpe-jek myqtylarynyń biri. 1974 jyly dúnıege kelgen. Boıy eki metrge jýyq, salmaǵy bir jarym tsentner. Alǵash ret erejesiz jekpe-jekte 2002 jyly tóbelesip, qarsylasyn jeńgen. Segiz buryshty alańdaǵy jaýyzdyǵyna baılanysty kópshilik ony «Aıýan», «Qanypezer qubyjyq» atap ketken. Talaı márte Býshıdo rınginde ataqty japondardyń ózderin bir soqqymen sulatyp otyrǵan. Shoýmendigi de bar. Olaı deıtinimiz, sport áleminde «Bob keıbir qarsylastaryna ádeıi jeńiledi eken» degen sybystar erip júr.
Endi bul «alyp qubyjyq» 8 maýsym kúni Astananyń «Saryarqa» velotrek kesheninde qazaqtyń qaısar jigiti Tólegen Aqylbekovpen aıqasady.
Maqala «Alash aınasy» gazetiniń búgingi sanynda jaryq kórdi.
