Astanaǵa iri kólemde esirtki quralyn jetkizýge árekettengen qylmysker ustaldy
ASTANA. 18 aqpan. QazAqparat /Jasulan Amanbaıuly/ - Polıtseıler Astanaǵa iri kólemde esirtki quralyn jetkizýge árekettengen qylmyskerdi ustady.
Bul týraly búgin Astanada ІІD-niń Esirtki bıznesine qarsy kúres basqarmasynyń bastyǵy Aıasyn Baıdildaev málim etti.
«2011 jyldyń 22 qańtarynda izdestirý jáne arnaıy sharalar keshenin ótkizý barysynda Astana qalasynyń ІІD Esirtki bıznesine qarsy kúres basqarmasynyń qyzmetkerleri elorda aýmaǵyna esirtki quraldaryn jetkizý kanalyn joıý boıynsha arnaıy operatsııa júrgizdi»,-deıdi A. Baıdildaev.
Arnaıy is-shara kezinde 1971 jyly týǵan azamattyń Astanaǵa iri kólemde esirtki quralyn jetkizýge nıeti bar ekeni anyqtalǵan.
«Tulǵanyń qylmystyq is-áreketterin boldyrmaýǵa baǵyttalǵan jedel-izdestirý sharasyn júrgizý kezinde kúdikti Saryarqa dańǵyly men Bógenbaı batyr dańǵylynyń qıylysynda avtokóliginde kele jatqan tusynda ustaldy. Tintý barysynda onyń jeke zattarynan 2 gr geroın tabyldy. Avtokólik salonyn tekserý kezinde 1 kg 390 gramm geroın esirtkisi anyqtaldy»,-dep atap kórsetti ol.
Kúdikti Astana qalasynyń ІІD-niń ýaqytsha qamaý ızolıatoryna jetkizildi. Onyń ústinen QR Qylmystyq kodeksiniń 259 baby 3-bólimi boıynsha qylmystyq is qozǵaldy.
