Astanaǵa Halyqaralyq boks federatsııasynyń prezıdenti keldi
Astanadaǵy Halyqaralyq boks qaýymdastyǵynyń (IBA) uıymdastyrýymen ótetin «Chempıondar túni» boks keshin tamashalaýǵa atalǵan uıymnyń prezıdenti Ýmar Kremlev arnaıy ushyp keldi. Bul týraly Kazinform QR Boks federatsııasynyń baspasóz qyzmetine silteme jasap habarlaıdy.
«Halyqaralyq boks federatsııasynyń prezıdenti Ýmar Kremlev elorda tórinde alǵash ret ótkizgeli jatqan «Chempıondar túni IBA» sharasyna arnaıy keldi», - delingen habarlamada.
Esterińizge sala keteıik, búgin Astanadaǵy «Beeline Arena» sport kesheninde «Chempıondar túni» atty boks keshi ótedi. Onda otandyq boksshylardyń qatysýymen 8 jekpe-jek uıymdastyrylady. Keshtiń basty jekpe-jeginde - 71 keli salmaqta Rıo Olımpıadasynyń chempıony, 2013 jylǵy álem chempıony Danııar Eleýsinov (11-0, KO 6) Ońtústik Afrıka Respýblıkasynyń ókili Djabýlanı Makhensemen (14-2, KO 7) judyryqtasady.
Posmotret etý pýblıkatsııý v Instagram
