Astanaǵa gúlder qandaı memleketterden jetkiziledi
ASTANA. QazAqparat - Qańtar aıynan beri Astanaǵa jetkizilgen 14,8 tonna gúl men gúl ónimderi kedendik deklaratsııalaýdan ótken, dep habarlaıdy QazAqparat elordalyq memlekettik kirister departamentine silteme jasaı otyryp.
Agenttik tarapynan joldanǵan resmı saýalǵa bergen jaýabynda Astana qalalyq memlekettik kirister departamenti jarııa etilgen jalpy kedendik qun 51 mln 611 myń teńgeni quraǵandyǵyn jetkizdi. 14,8 tonnanyń 8 tonnadan astamy qyzǵaldaqtar, 1,7 tonnasy raýshan gúlderi. Sonymen qatar olardyń arasynd gerber, gıpsofıla, asparagýs pen ózge de gúl túrleri bar. Bul ónimderdiń barlyǵy Nıderlandy, Izraıl jáne Ekvadordan jetkizilgen.
Barlyq gúlder men gúl ónimderin «Metro Kesh end Kerıı», «Kaz-Flor Astana» jáne «3D Flowers KZ» sııaqty kompanııalar jetkizgen.
Astana qalasynyń memleketik kirister departamenti aqparattardyń elektrondy málimetter bazasynan alynǵanyn aıtty.
