Astanaǵa gaz tartý máselesi 1 aıda sheshiledi

ASTANA. QazAqparat - Astanaǵa gaz Qyzylordadan tartylýy múmkin. Bul týraly búgin Úkimet úıinde ótken brıfıngte QR Energetıka mınıstri Qanat Bozymbaev málim etti, dep habarlaıdy QazAqparat.

«Astanaǵa gaz tartý jobasynyń tehnıkalyq-ekonomıkalyq negizdemesin «QazTransGaz» kompanııasy ázirledi. Jańa baǵdarda gaz qubyryn Astanaǵa tartý máselesi qarastyrylǵan. Ol qubyr Qyzylorda oblysynan bastalady. Odan keıin Jezqazǵandy, Qaraǵandyny basyp ótip, elordaǵa jetkiziledi. Sońǵy núktesi - Kókshetaý qalasy. Osy tehnıkalyq-ekonomıkalyq negizdemeni kórdim. Qazirgi ýaqytta ol memlekettik saraptamada jatyr, zertteý júrgizilýde. Eger memlekettik saraptama osy negizdemeni bekitetin bolsa, osy baǵdardyń tıimdiligin kórsetse, onda Úkimet tıisti sheshim qabyldaıdy. Bir aı qaldy. Memlekettik saraptama shyqsyn. Sodan keıin naqty málimet beremiz»,- dedi Bozymbaev BAQ ókilderiniń saýalyna oraı.

Aıta keteıik, ótken jyldyń naýryz aıynda Astanaǵa gaz tartý jónindegi másele belgisiz merzimge toqtatylǵan bolatyn. Degenmen, jyldyń sońyna qaraı Astanaǵa gaz tartý jobasynyń tehnıkalyq-ekonomıkalyq negizdemesin ázirleý jumystary qaıta qolǵa alynǵan edi.