Astanaǵa gastroldik saparmen A.Chehov atyndaǵy Máskeý teatrynyń ujymy keldi
ASTANA. 14 qarasha. QazAqparat - Búgin reseılik ujym Kongress holl saraıynyń sahnasynda Astana turǵyndary men qonaqtaryna Aleksandr Vampılovtyń pesasy boıynsha «Proshlym letom v Chýlımske» atty dramasyn koıady.
Al 16-17 qarashada Nıkolaı Gogoldiń «Jenıtba» komedııasy usynylady. Spektaklderge Reseıdiń belgili teatr men kıno akterleri Natalıa Egorova, Evgenııa Dobrovolskaıa, Nıkıta Zverev, ıÝrıı Stoıanov, ıAna Gladkıh, Stanıslav Dýjnıkov, Anna Banşıkova jáne taǵy da basqa ártister qatysady.
«Búgin bizdiń ákelgen qoıylymda óte qarapaıym adamdardyń ómiri, mahabbat, súıgen jandardyń arasyndaǵy qarym-qatynastar, úılesimsizdik, ózara túsiniksizdik sýretteledi. Mundaı tolqýlardy, sezimdi jáne kúıinishterdi, menińshe, árbir adam ómirinde basynan ótkerse kerek», - deıdi áıgili reseılik aktrısa Anna Banşıkova.
«Astanalyq kórermender aldynda biz óte qatty qobaljyp otyrmyz. Kongress holl sahnasy bizdiń úırenshikti zaldan birneshe esege úlken. Maǵan sýyq tıip, daýsym da otyrǵan. Degenmen akterlerdi sahna emdeıdi emes pe, qoıylym jaqsy ótedi dep úmittenemin», - deıdi A.Banşıkova.
Eske sala keteıik, Oleg Tabakovtyń jetekshiligimen A.Chehov atyndaǵy Máskeý kórkem teatrynyń gastrolderi 14-17 qarasha aralyǵynda «Astana - Táýelsiz memleketter dostastyǵynyń mádenı astanasy» halyqaralyq jobasynyń sheńberinde ótedi.
