Astanaǵa EQYU Sammıti kúnderi shet elderden 109 shef-aspazshy shaqyrylyp otyr
ASTANA. 15 qarasha. QazAqparat /Gúlmıra Álıakparova/ - 1-2 jeltoqsan kúnderi Astanadaǵy EQYU Sammıtine jınalatyn mártebeli meımandarǵa as ázirleý úshin taıaý jáne alys shet elderden 100-den astam shef-aspazshy shaqyrylyp otyr.
Bul týraly búgin ótken baspasóz máslıhatynda Astana qalasy boıynsha Sanıtarlyq epıdemıologııalyq qadaǵalaý departamentiniń bastyǵy Jandarbek Bekshın málim etti.
«109 sheteldik bas aspazshynyń 55-i - taıaý shet elderden keledi. Olar Sammıt qonaqtarynyń talǵamdaryna saı eýropalyq, ulttyq, shyǵys, vegetarıandyq jáne basqa da túrli taǵamdardy ázirleıtin bolady», - dedi J.Bekshın.
Onyń sózine qaraǵanda, barmaǵynan bal tamǵan aspazshylar sammıt ótetin nysandardyń ashanalarynda, qonaqúıler men meıramhanalarda jumys isteıdi.
