Astanaǵa daýyl kele jatyr, Almatyda aýa +36°C-qa deıin ysıdy
ASTANA. KAZINFORM — Búgin elimizdiń úsh iri qalasynda aýa raıy qubylmaly bolady. Astanada qatty jańbyr, burshaq pen daýyldy boljandy. Al Almaty men Shymkentte qysqa merzimdi jańbyr men naızaǵaı kútiledi, sonymen qatar kúndiz aýa temperatýrasy +36 gradýsqa deıin kóteriledi. Bul týraly TJM málim etti.
TJM mamandarynyń boljamynsha, Astanada qubylmaly bultty. Jańbyr jaýady, naızaǵaı oınaıdy. Kúndiz keı ýaqytta qatty jańbyr, burshaq, daýyl kútiledi. Jeldiń jyldamdyǵy 9-14 m/s, ekpini 20 m/s deıin jetedi. Aýa temperatýrasy túnde +20...+22°C, kúndiz +26...+28°C.
Almatyda qubylmaly bultty. Kúndiz azdaǵan jańbyr jaýyp, naızaǵaı bolady. Jeldiń jyldamdyǵy 3-8 m/s, kúndiz ekpini 18 m/s deıin kúsheıedi. Aýa temperatýrasy túnde +21...+23°C, kúndiz +34...+36°C.
Shymkentte qubylmaly bultty. Qysqa merzimdi jańbyr jaýyp, naızaǵaı kútiledi. Jeldiń jyldamdyǵy 8-13 m/s, kúndiz ekpini 20 m/s deıin jetedi. Aýa temperatýrasy túnde +22...+24°C, kúndiz +33...+35°C.
Aıta keteıik, búgin 29 elimizdiń birneshe óńirinde qolaısyz aýa raıyna baılanysty eskertý jarııalady.
