Astanaǵa bir jylda 100 myńǵa jýyq qytaılyq týrıst kelgen
Elordamyz qarqyndy damyp, týrızm ortalyǵyna aınaldy. Sala mamandarynyń aıtýynsha, buǵan Astanada jıi uıymdastyrylatyn aýqymdy sharalar men forýmdar óz septigin tıgizse kerekti. Eńseli elordamyzdyń týrıster arasynda tartymdylyǵyn taǵy qalaı arttyrýǵa bolady? Sánmıra Seıilhanqyzy birneshe jyl boıy Astanada ekskýrsııa jetekshisi bolyp jumys isteıdi. Qytaı tilin jetik meńgergen ol únemi Aspanasty elinen kelgen qonaqtardy qarsy alyp, elorda tarıhymen tanystyrady.
«Astana - álemdegi eń jas qala, jas astana. Sol arqyly sózdi bastaımyz kútip alǵanda. Astananyń tarıhyn, bet beınesin qyzyǵyp tyńdaıdy. 131 ult birge turyp, sonshalyqty yntymaqta ekendigimiz, Prezıdentimizdi jaqsy kóretindigimiz olardy óte qyzyqtyrady. Qoǵamy ornyqty elge, árıne, qaıta qaıta kelgisi keledi. Kitaphana, Prezıdent kitaphanasy, Báıterek áńgimesi qyzyqtyrady», -deıdi ekskýrsııa jetekshisi Sánmıra Seıilhanqyzy.
Byltyrdyń ózinde kórshi memlekettiń 100 myńǵa jýyq azamaty Astanamyzdy kórýge arnaıy kelgen. Sondaı-aq elordanyń tynys-tirshiligi jáne kórikti jerleri Reseı, Germanııa, AQSh elderiniń týrısterin de qyzyqtyrady. 2020 jylǵa deıin qala ákimdigi shahar qonaqtarynyń sany 2 mıllıonǵa jetedi dep josparlap otyr.
«20 jyldyń ishinde Astanamyz úlken dárejege jetti. Týrıstik ınfraqúrylym, transporttyq, logıstıkalyq jyldan jylǵa damyp tur. Naryqta úlken qonaqúıler bar. Sheteldik baılanystar nyǵaıyp jatyr. 70 shaqty memleketpen vızasyz rejım uıymdastyryldy. Qytaımen týrıstik qarym-qatynasty nyǵaıtý jumystaryn júrgizip jatyrmyz. 14 maýsymda qazaq túni merekelik sharasyn ótkizemiz .Qazzaqstannyń tarıhyn, mádenıetin, sheteldik týrıstik kompanııalarǵa kórsetemiz», -dep atap ótti elordalyq týrızm qaýymdastyǵynyń prezıdenti Áıgerim Muhamedjanova.
Qazir Astanada ekskýrsııa júrgizetin 65 gıd bar. Týrızm qaýymdastyǵy olardyń reestrin jasap, mamandarǵa barynsha járdem berip keledi. Qazir olar arnaıy kýálik alyp, barlyq týrıstik nysandarǵa aqysyz kire alady. Jergilikti gıdter qala qonaqtaryna ekskýrsııanyń 10-12 túrin usynýǵa ázir.
«Bizde 5 saǵattyq ekskýrsııalar bar. Keıde týrıster Astanany kúni boıy aralaǵysy keledi. Árıne, kóbi EXPO murajaıyn kórýge asyq. Qazaq halqynyń tarıhy eshkimdi beıjaı qaldyrmaıdy. Biz meımandardy ulttyq mýzeıdegi kıiz úıdi kórýge alyp baramyz. Týrısterdiń basym bóligi elordamyzdyń qysqa merzim ishinde sonshalyqty ádemi ári damyǵan qalaǵa aınalǵanyna tańǵalyp jatady», - dedi týrıstik kompanııa dırektory Aısulý Іrgebaeva.
Sońǵy ýaqytta tek kásibı mamandar ǵana emes, qala turǵyndarynyń ózi de shahardaǵy týrızmdi damytýǵa atsalysyp jatyr. Jastar shetelde keńinen taraǵan tájirıbeni osynda engizip, óz baspanalaryn sheteldik qonaqtarǵa tegin berip ózara almasa alady.