Astanaǵa bet alǵan «Eır Astana» ushaǵy Dýbaıǵa qaıta qonýǵa májbúr boldy
ALMATY. QazAqparat -Ushaqtyń áýejaıǵa qaıta kelip qonýyna baılanysty Dýbaı-Astana baǵytyndaǵy áýe reısi toqtatyldy, dep habarlaıdy «QazAqparat» HAA tilshisi.
«Ushaqtan shyqqan aqaýǵa baılanysty áýejaıǵa keri oralý, ushqyshtar tarapynan jasalǵan saýatty sheshim boldy. Áýe kemesi Dýbaıǵa shtattyq rejımde Astana ýaqytymen 21.53-te kelip qondy. Injenerlik qyzmet ushaqty tekserý barysynda jalǵan dabyl sıgnalynyń qosylyp ketkenin anyqtady. Jolaýshylar qonaqúıge ornalastyryldy»,-dep habarlaıdy Eır Astana.
Tolyq tekserýden ótken ushaq Astanaǵa Dýbaı ýaqytymen 9.35-te kelip qondy. Áýe kompanııasy jolaýshylarǵa oqıǵaǵa baılanysty ótemaqy alý týraly keńes berdi.
