Astanaǵa áıgili amerıkandyq ekonomıst Djeremı Rıfkın keledi

21 qazan kúni Dj. Rıfkın memlekettik organdardyń, ulttyq kompanııalardyń, bıznestik qurylymdardyń basshylaryna arnalǵan master-klass (semınar) ótkizedi. 22 qazanda birqatar kezdesýler ótkizip, Nazarbaev ýnıversıtetinde dáris oqıdy. Bul týraly QR qorshaǵan ortany qorǵaý mınıstrliginiń baspasóz qyzmetinen habarlady.

Doktor Rıfkın (1945 jyly týǵan) - Ekonomıkalyq trendterdi zertteý qorynyń (Vashıngton) prezıdenti, ǵylymı jáne ekonomıkalyq jetistikterdiń ekonomıkaǵa, halyqty jumyspen qamtýǵa, qoǵamdyq qurylys jáne qorshaǵan ortaǵa tıgizetin áseri jónindegi birneshe kitaptyń avtory. Onyń qalyń oqyrmanǵa tanys eńbekteri: «Úshinshi ındýstrııalyq revolıýtsııa» (2011), «Empatıkalyq órkenıet» (2010), «Eýropalyq arman» (2004), «Sýtegilik ekonomıka» (2002), «Bıotehnologııalar ǵasyry» (1998) jáne «Jumys sońy» (1995).

Dj. Rıfkın úkimetter men mýnıtsıpalıtetterge Úshinshi ındýstrııalyq revolıýtsııa ınfraqurylymyn uıymdastyrý josparlaryn ázirleý boıynsha konsýltatsııalyq qyzmetter kórsetetin «TIR Konsaltıng Toby» kompanııasynyń prezıdenti. Ol sondaı-aq quramyna energetıka men jańartylatyn energııa kózderi, sáýletshilik jáne qurylys, kólik jáne logıstıka, sondaı-aq, aqparattyq tehnologııalar salalarynda qyzmet etetin dúnıe júziniń eń ozyq 100 kompanııa basshylarynan quralǵan ÚIR Jahandyq keńesiniń quryltaıshysy jáne tóraǵasy.

Dj. Rıfkın Eýropalyq Odaqtyń ekonomıka, klımattyń ózgerýi jáne energetıkalyq qaýipsizdik máseleleri jónindegi keńesshisi. Ol dúnıe júzindegi aldyńǵy qatarly 5 oqý ornynyń biri - Pensılvanııa ýnıversıtetiniń Ýorton bıznes mektebinde dáris beredi.

Dj. Rıfkın Qazaqstannyń «jasyl» ekonomıkaǵa kóshýi jónindegi Tujyrymdamany ázirleý barysynda keńesshi retinde tartylyp, EKSPO-2017 kórme kesheniniń eskız-ıdeıalary boıynsha halyqaralyq sáýletshilik baıqaýdyń tehnıkalyq keńesin basqarady.