Astanaǵa Avstrııanyń Mashına jasaý odaǵynyń delegatsııasy keledi
ASTANA. Mamyrdyń 7-si. QazAqparat /Qanat Mámetqazyuly/ ‑ Seısenbi, mamyrdyń 11-i men 15-i aralyǵynda Qazaqstanǵa Avstrııanyń Mashına jasaý odaǵynyń delegatsııasy issaparmen keledi dep kútilýde.
Delegatsııanyń sapary barysynda Májilis depýtattarynyń qatysýymen birqatar sharalar ótetini kózdelgen, dep habarlaıdy QazAqparat Májilistiń baspasóz qyzmetine silteme jasap.
Májilistiń Halyqaralyq ister, qorǵanys jáne qaýipsizdik komıtetiniń hatshysy Vıktor Rogalevtiń aıtýynsha, osy sapardyń baǵdarlamasy sheńberinde Qazaqstan men Avstrııanyń mashına jasaý odaqtarynyń arasyndaǵy memorandýmǵa qol qoıylatyny kútiledi. Sapardyń negizgi maqsaty Qazaqstan men Avstrııanyń mashına jasaý salasyndaǵy yntymaqtastyǵyn arttyrý sharalaryn talqylaý bolyp tabylady.
Іssapar baǵdarlamasyna sáıkes meımandar QR Indýstrııa jáne jańa tehnologııalar, sondaı-aq Ekonomıkalyq damý jáne saýda mınıstrlikterinde, Astana ákimdiginde jáne birqatar mekemelerde kezdesýler ótkizetini josparlanǵan.
