Astanaǵa alyp smaılıkter ornatylady
ASTANA. QazAqparat - Astanada qala kúni qarsańynda alyp segiz smaıllık ornatylady, dep habarlaıdy elorda ákimdiginiń medıa ortalyǵy .
- «Smile Astana» jobasy aıasynda qala kúni qarsańynda alyp segiz smaıl shahardyń ár jerinde paıda bolady. Qala turǵyndary men qonaqtary onyń fonynda sýretke túsip, ózderiniń jaıdarly kóńilin baıqata alady, - dep habarlady medıa ortalyq tilshisine Astana qalasy ákimdiginiń ishki saıasat basqarmasynyń basshysy Erlan Qanálimov.
Sondaı-aq, basqarma basshysy Qazaqstanǵa keletin barlyq qonaqtarǵa degen yqylasy men dostyq qarym-qatynasyn dáripteýge baǵyttalǵan joba ekenin aıtty. Osylaısha, aqjarqyn, meıirimdi adamdar beınesi qalyptasady deıdi.
- EKSPO kórmesin ótkizý kezinde Astanaǵa keletinder sany kóbeıedi. Árıne turǵyndarǵa jaǵymdy ǵoı, eger astanalyqtar kúlip qarsy alyp tursa, kómektesse, bul bizdiń qonaqjaılylyǵymyzdy tanytady emes pe?! - deıdi E.Qanálimov.
Esterińizge salamyz, smaıldar Astanada aıaldamalarda, turǵyn úı qasbetterinde, EKSPO kórme kesheninde, jaıaý júrginshiler aýmaǵynda jáne qala asfalttarynda paıda boldy.
- Smaıldar barlyq jerlerde qoıylady. Bul vıdeolar áleýmettik jelilerdegi #aqjarqynastana, #smileastana heshtegterimen jarııalanýda. Qazirgi ýaqytta bizde osy taqyrypta úsh myńnan astam jazbalar jáne sýretter tirkelgen, - deıdi Astana qalasy ákimdiginiń ishki saıasat basqarmasynyń basshysy.
