Astanaǵa alty eldiń boksshylary kele jatyr
ASTANA. QazAqparat - Astanaǵa alty eldiń boksshylary kele jatyr, dep habarlaıdy QazAqparat tilshisi.
Bul týraly QazAqparat tilshisine bokstan Qazaqstan Ulttyq quramasynyń bas bapkeri Myrzaǵalı Aıtjanov málim etti.
«Mamyrdyń 23 kúni Qazaqstan ulttyq quramasy Astanadaǵy boks bazasyna jınalady. Biz onda AQSh, Anglııa, Belarýs, Taıland, Ýkraına boksshylarymen birikken oqý-jattyǵý ótkizemiz. Sondaı-aq, Gollandııadan boksshylar kele jatyr», - dep atap ótti Aıtjanov.
«Osy birikken oqý-jattyǵý aıaqtala sala maýsymnyń 5-i men 11-i aralyǵynda elorda tórinde erler men áıelder arasyndaǵy bokstan Qazaqstan Respýblıkasy Prezıdentiniń dástúrli Kýbogy ótedi. Barlyq qurama músheleri osy dodada synǵa túsedi. Al bizdiń bıylǵy jylǵy eń basty jarysymy - Jazǵy Azıada oıyndary bolady», - dep atap ótti bas bapker.
