Astanaǵa alys shetelden kelgenderdiń kóbi Qytaı men Mońǵolııa azamattary
ASTANA. KAZINFORM – Astanaǵa alys shetelden keletin mıgranttar arasynda Qytaı men Mońǵolııa azamattarynyń úlesi joǵary. Bul týraly agenttiktiń resmı saýalyna jaýap bergen Astana qalasy boıynsha Ulttyq statıstıka bıýrosy departamenti málim etti.
Departament málimetinshe, 2026 jyldyń qańtar–naýryz aılarynda Astanaǵa TMD quramyna kirmeıtin memleketterden 394 adam kelgen. Onyń 313-i Qytaı, 42-si Mońǵolııa azamattary. Osylaısha, alys shetelden kelgen kóshi-qon aǵynynyń shamamen 90 paıyzy osy eki eldiń úlesine tıesili.
2024 jyly Qytaıdan Qazaqstan astanasyna 537 adam, Mońǵolııadan 342 adam qonys aýdarǵan. Salystyrý úshin aıtsaq, AQSh-tan 25 adam, Germanııadan 36 adam, Koreıa Respýblıkasynan 10 adam kelgen.
Departamenttiń málimetine qaraǵanda, Qytaımen aradaǵy kóshi-qonnyń oń kórsetkishi sońǵy jyldary saqtalyp keledi. Máselen, 2020 jyly bul kórsetkish 201 adamdy qurasa, 2025 jyly 614 adamǵa deıin ósken.
Sondaı-aq departament kóshi-qon úderisterine saýda-ekonomıkalyq yntymaqtastyqtyń damýy, bilim berý salasyndaǵy almasýlar jáne elder arasyndaǵy eńbek mobıldiligi sııaqty áleýmettik-ekonomıkalyq faktorlar áser etetinin atap ótti.
Buǵan deıin Qazaqstanda bosqyn mártebesi bar adamdarǵa qatysty ózgerister engiziletini belgili bolǵan edi.
