Astanaǵa álemdik deńgeıdegi bıznes sarapshylar keledi
ASTANA. QazAqparat - «Astana Bastau-Bıznes aýmaǵy» bıznes - semınary jańa formatta ótkiziledi. Bul týraly Astana qalasynyń ákimi Áset Isekeshev Feısbýktegi paraqshasynda habarlady.
«Shaǵyn jáne orta bıznes búginde elorda ekonomıkasynyń jartysynan astamyn qamtıdy. Biraq biz bıznes úshin álem óte tez ózgeretinin túsinemiz, kún saıyn ekonomıkalyq salaǵa jańa tehnologııalyq syn-qaterler men qıyndyqtar keledi. Sondyqtan biz siz úshin jańa formatta «Astana Bastau-Bıznes aýmaǵy» bıznes - semınaryn ótkizýdi sheshtik», - dedi Áse Iskeshev.
Semınardyń basty maqsaty - bıznesmenderge óz isin jáne jalpy oılaýdy ózgertý arqyly alǵa sapaly serpilis jasaýǵa múmkindik berý.
Semınarda qatysýshylar kelesi baǵyttar boıynsha biliktilikterin arttyra alady: bıznesti tsıfrlandyrý (oraý, traffık jáne lıdogeneratsııa), ınvestıtsııalardy tartý,bıznesti úlkeıtý jáne tıimdi satýdy qurý tehnıkasy.
Semınarda spıkerler retinde «fank stılindegi bıznes» bestsellerdiń avtory Kel Nordstrem, TMD - daǵy nómiri 1 netýorkıng boıynsha sarapshy Gıl Petersıl, Like holdınginiń negizin qalaýshy jáne ıesi Aıaz Shabýtdınov jáne t. b. sııaqty bıznestegi álemdik sarapshylar sóz sóıleıdi. Іs-shara 22-23 qyrkúıekte «Barys-Arena»muz saraıynda ótedi.
Kásipkerlerge atalmysh sharaǵa tegin qatysa alady.
