Astanaǵa álemdegi eń iri kıbersport klýbtary keledi
ASTANA. KAZINFORM — Qazaqstan astanasynda aýqymdy mýltısporttyq «Bolashaq oıyndary» týrnıri aıasynda Tactical 3D/PUBG dıstsıplınasy boıynsha halyqaralyq týrnır ótedi, dep habarlaıdy Astana ákimdiginiń resmı saıty.
Astanadaǵy Ulttyq tennıs ortalyǵynyń arenasynda 31 shilde men 2 tamyz aralyǵynda álemniń eń myqty 16 komandasy baq synaıdy. Qatysýshylar strategııa, komandalyq úılesim jáne jedel sheshim qabyldaý qabileti sheshýshi mánge ıe kıbersporttyń eń tartysty túrleriniń birinde úzdik ataný úshin baq synaıdy.
Týrnırge álemge tanymal Virtus.pro, Falcons, Twisted Minds jáne ózge de jetekshi kıbersport klýbtary qatysady. Komandalar jankúıerlerge tartysqa toly kezdesýler men joǵary deńgeıdegi sheber oıyn kórsetedi.
«Bolashaq oıyndary» zamanaýı tehnologııalar men dástúrli sportty toǵystyryp, halyqaralyq kıbersport qaýymdastyǵy úshin jańa alań qalyptastyrady.
Týrnır 31 shilde men 2 tamyz aralyǵynda Astanadaǵy Ulttyq tennıs ortalyǵynda ótedi.
Jankúıerler álemniń úzdik komandalary arasyndaǵy tartysty básekeni tikeleı tamashalaı alady. Іs-sharaǵa kirý bılet arqyly kirýge bolady.
Budan buryn qazaqstandyq kıbersportshylar tarıhı jetistikke jetkenin jazǵanbyz.
