Astanaǵa Abaı jýrnalynyń ujymy keledi
ASTANA. 27 qyrkúıek. QazAqparat - Erteń saǵyt 4:00-de Astanadaǵy Qazaqstan-Reseı ýnıversıtetinde «Muhtar Áýezov jáne Abaı jýrnaly» aıdarymen Semeıde shyǵarylatyn Abaı jýrnalynyń ujymymen, aqyn Muratbek Ospanovpen kezdesý ótedi.
Bul týraly sharanyń uıymdastyrýshysy atalmysh oqý ordasynyń «Abaıtaný» ǵylymı-tanymdyq ortalyǵy habarlap otyr. Shara «Nur Otan» HDP Astana qalalyq fılıalynyń qoldaýymen iske asty.
Uıymdastyrýshylardyń habarlaýynsha, Astanada tuńǵysh bastama kótergen Qazaqstan-Reseı ýnıversıteti «Abaıtaný» ǵylymı-tanymdyq ortalyǵy Astana qalasy oqý ordalary men qala jurtshylyǵynyń maqtanyshyna, el rýhanııatyna aınaldy. Atqarylyp jatqan baǵdarlamanyń negizinde Abaı shyǵarmashylyǵyna baılanysty baıqaýlar men ǵylymı-tanymdyq sabaqtardy uıymdastyrý dástúrge engen. Ortalyqtyń negizgi maqsaty - Abaı shyǵarmasy men murasyn bir júıege túzep, elordanyń jastarynyń nazaryn uly aqynnyń shyǵarmashylyǵyna aýdartý. 1942 jyly Muhtar Áýezov negizin salyp ketken «Abaıtaný» kýrsy 70 jyldan keıin osy ortalyq arqyly qaıta jańǵyryp, jurtshylyqtyń nazaryn aýdardy.
