Astanaǵa 50-den astam óńirlik kásiporyn óz ónimderin ákeledi
ASTANA. QazAqparat - 5-6 tamyz «Qazaqstan» sport saraıy mańyndaǵy turaqta Atyraý men Qostanaı oblystarynyń jármeńkesi ótedi, dep habarlaıdy Astana ákimdiginiń baspasóz qyzmeti.
Sórelerge 100-den astam ataýly 670 tonna ónim qoıylady. Onyń ishinde ettiń barlyq túrleri - 33 tonna, sút ónimderi - 90 tonna, shujyq ónimderi men jartylaı fabrıkat et - 59 tonna, jarma men makaron ónimderi - 72 tonna, kartop pen kókónister - 55 tonna, nan-toqash pen kondıterlik ónimder - 70 tonna, un - 93 tonna jáne taǵy basqa.
Aıta keteıik, jármeńkedegi azyq-túlik baǵasy bazarmen salystyrǵanda 10-15% arzan bolady.
