Astanaǵa 2020 jylǵa qaraı jylyna 2 mln týrıst kelmek
ASTANA. QazAqparat -Búginde EKSPO kórmesin ótkizý arqasynda Astanaǵa 4,5 mln adam saıaxattap kelgen. Bul ótken jyldyń sol kezeńimen salystyrǵanda 2,9 mln adamǵa kóp, dep jazady ákimniń resmı saıty.
Astana qalasy ákiminiń orynbasary Malıka Bekturovanyń málimeti boıynsha týrızm salasyn damytý úshin elorda ákimdigi 2020 jylǵa deıin týrısterdiń sanyn jylyna 2 mln-ǵa deıin jetkizbek nıette.
«Týrızm salasyn damytý úshin biz Horwath kompanııasymen jumys isteımiz. Týrızm boıynsha ázirlengen jańa baǵdarlamada jylyna 2 mln-ǵa deıin týrıst tartýdy kózder otyrmyz, olardyń 1 mln-nan astamy sheteldik bolmaq. Ótken jyly týrısterdiń jalpy sany 831 myń adamǵa jetti. Olardyń 273 myńy-sheteldikter», - dedi Malıka Bekturova.
Búginde ákimdik Mádenıet mınıstrligimen birlese otyryp, EKSPO aıasynda ótkizilgen sharalardy tekserdi, qazirgi ýaqytta soǵan oraı jylyna xalyqaralyq deńgeıdegi 40 sharany qamtıtyn tizim anyqtalýda.
«Onymen birge biz mádenı jáne sporttyq nysandar bazasynda týrısterdi tartý ortalyǵyn damytýda jumys isteýdemiz, sondaı-aq murajaılardy jáne oıyn-saýyq ortalyqtardy damytýdamyz. Biz 6 mádenı sporttyq nysandy iriktep aldyq: Barys-Arena, Astana-arena, «Alaý» muz aıdyny, Beıbitshilik jáne kelisim saraıy, «Jastar» saraıy, Astanalyq tsırk, osy nysanalardy senim basqarmasyna berý arqyly bıýjdet qarajatynyń únemdelýi jylyna 11,9 mln AQSh dollaryn quraıdy» ,- dedi Astany qalasy ákiminiń orynbasary Malıka Bekturova.
