Astanaǵa 2012 jyly TMD-niń mádenı elordasy ekenin rastaıtyn sertıfıkat tapsyryldy
ASTANA. 15 maýsym. QazAqparat - Qazaqstannyń elordasy Astana bıyl resmı túrde Táýelsiz memleketter dostastyǵynyń mádenı shahary atandy.
Talapqa saı sertıfıkatty búgin «Jańa álemdegi eýrazııalyq mádenıet» halyqaralyq forýmynda TMD múshe-memleketteri gýmanıtarlyq yntymaqtastyq memleketaralyq qorynyń basqarma tóraǵasy Polad Bıýl-Bıýl ogly tapsyrdy. Qujatty QR Mádenıet jáne aqparat mınıstri Darhan Myńbaı qabyldap aldy.
«Eýrazııanyń kartasyna kóz júgirter bolsaq, Astanany mádenı jáne órkenıettik, geosaıası údesiristerdiń ortalyǵy retinde tolyq qarastyrýymyzǵa bolady. Eki myń halqy bolǵan shaǵyn ǵana Aqmola qalasy az ýaqyt ishinde osyndaı jetistikterge jetip, ósip-órkendegen, gúldengen Astana sııaqty alyp shaharǵa aınalǵandyǵyna tań qalýǵa bolady. Bul jańa qala endigide Qazaqstannyń astanasy, Eýrazııanyń júregi, «Ǵasyr shahary» bolyp tabylady», - dedi Polad Bıýl-Bıýl ogly.
