Astanaǵa 20 jyl: Aıtýly mereıtoıǵa baılanysty qandaı iri sporttyq sharalar ótedi

ASTANA. QazAqparat - Bıyl Astananyń 20 jyldyǵyna oraı mádenı, buqaralyq jáne sporttyq sharalar uıymdastyrylǵaly jatyr, dep habarlaıdy «QazAqparat» HAA tilshisi.

QR Mádenıet jáne sport mınıstrligi Sport jáne dene shynyqtyrý isteri komıtetiniń baspasóz hatshysy Raýhan Toǵymbaeva keltirgen tómendegi kestege súıensek, Astananyń 20 jyldyǵy sportshylar úshin este qalarlyq jyl bolǵaly tur. Shańǵy men bıatlonnan saıys, ulttyq sport túrlerin ulyqtaǵan «Uly dala rýhy», «Kóshpendiler shaıqasy», «Denıs Ten men onyń dostary» talaı-talaı zaldardy toltyrýǵa turarlyq sporttyq oqıǵaǵa aınalary daýsyz.

Saıystardyń ishinde shetel sportshylary qatysatyn doda - «Álem barysy» bolaıyn dep tur. Onda 61 memlekettiń balýandary ózara baq synaspaq.

 

R/s№	Sporttyq sharanyń ataýy	Qashan ótedi?	Ótetin oryny	Qansha elden qansha sportshy qatysady?
1.	Fiss uranymen shańǵy jarysynan ótetin halyqaralyq saıys	19-27 naýryz	Şýchınsk qalasyndaǵy shańǵy-bıatlondy keshen	5-7 memleket,                120 qatysýshy
2.	IBU uranymen bıatlonnan ótetin Azııanyń ashyq chempıonaty	25 naýryz-         2 sáýir	Şýchınsk qalasyndaǵy shańǵy-bıatlondy keshen	5-7 memleket,                120 qatysýshy
3.	«Uly dala rýhy» ulttyq sport túrleri boıynsha festıval	naýryz-shilde,    5 shildede fınal	«Qazanat» ıppodromy	-
4.	MMA jekpe-jek túrleri boıynsha «Kóshpendiler shaıqasy - 10» halyqaralyq merekelik týrnır	8-12 mamyr	Jekpe-jek saraıy	12 memleket,                100 qatysýshy
5.	Kórkem gımnastıka boıynsha «3 Juldyz Kýbogy» FIG Halyqaralyq týrnıri	10-12 shilde	«Saryarqa» respýblıkalyq velotregi	5-7 memleket,                250 qatysýshy
6.	«Denıs Ten men onyń dostary» muzdaǵy shoýy	23-24 shilde	«Alaý» muz aıdyny	Shamamen 15 memleket
7.	«Qazaqstan barysy» respýblıkalyq týrnıri	1 shilde	«Saryarqa» respýblıkalyq velotregi	34 qatysýshy
8.	Tennısten Prezıdent Kýbogy	16-22 shilde	«Dáýlet» sport kesheni	20 memleket
9.	«Uly dala alamany» báıgesi (150 shaqyrym)	Tamyz	Ereımentaýdan Astanaǵa deıin	-
10.	«Astana» Halyqaralyq marafony	16 qyrkúıek	Astana, Sol jaǵalaý	2000-ǵa jýyq qatysýshy
11.	Qazaq kúresinen «Álem barysy» halyqaralyq týrnıri	1 jeltoqsan	«Barys-Arena» muz aıdyny	61 memleket,                           64 qatysýshy