Astanaǵa 14 eldiń úzdik shahmatshylary keldi
ASTANA. QazAqparat - Erteń Astanada shahmattan komandalyq álem chempıonaty bastalady, dep habarlaıdy QazAqparat tilshisi.
Shahmattan komandalyq álem chempıonaty alǵash ret Qazaqstanda ótkeli otyr. Búgin Astanada jarystyń saltanatty ashylý rásimi ótpek. Alǵashqy kezeń oıyndary erteń, naýryzdyń 5-i kúni bastalady.
Qazaqstan quramasy sapynda Jansaıa Ábdimálik, Dınara Sádýaqasova, Bıbisara Asaýbaeva, Gúlishan Nahbaeva, Gúlmıra Dáýletova, Rınat Jumabaev, Mýrtas Kajgalıev, Anýar Ismagambetov, Denıs Mahnev pen Petr Kostenkolar óner kórsetedi.
«Keshendi jumystar men otandyq shahmattyń eńbeginiń arqasynda shahmat álemindegi eń mańyzdy oqıǵa - Álem chempıonatyn ótkizýge múmkindik alyp otyrmyz. Atalǵan sporttyq sharany ótkizýdi Memleket basshysy qoldady. Mundaı deńgeıdegi báseke eldegi shahmat sportynyń damýyna serpin bereri anyq», - dedi elordadaǵy Astana HQO ǵımaratynda ótken búgingi jıynda QR Mádenıet jáne sport mınıstrligi Sport jáne dene shynyqtyrý komıtetiniń tóraǵasy Serik Sápıev.
Atalǵan chempıonattyń týrnırlerimen qatar, birmezettegi oıyn seansy ótpek. Oıyn Eýrazııalyq Top kásiporyndarynyń qyzmetkerleri (zaýyt, kásiporynishilik oıyndardyń jeńimpazdary) men halyqaralyq týrnırlerdiń jeńimpazy, Qazaqstannyń bes dúrkin chempıony Dármen Sádýaqasov arasynda ótedi.
EKSPO aýmaǵyndaǵy «Astana HQO» ǵımaratynda ótetin chempıonatty kelip kórgisi keletinder úshin de jaǵdaı jasalǵan. ıAǵnı, shamhamtsúıer fanattar toby úshin arnaıy fan-aýmaq bar. Ol jerde ornalastyrylǵan alyp ekran arqyly fanattar shahmat sheberleriniń oıynyn tamashalaı alady.
Álem chempıonaty aınalym júıesimen ótip, 9 kezeńnen turmaq. Básekeler naýryzdyń 14-i kúni aıaqtalyp, jarys saltanatty túrde jabylady.
Buǵan deıin habarlaǵanymyzdaı, elordadaǵy chempıonatta álemniń 14 eliniń úzdik shahmatshylary baq synaıdy. Sharshy taqtada Qytaı, Ázerbaıjan, Iran, AQSh, Mysyr, Reseı, Shvetsııa, Anglııa, Úndistan men Ýkraına, Grýzııa, Majarstan men Armenııanyń úzdikteri jarys kórigin qyzdyrmaq. Olardyń arasynda álem men ár qurlyqtyń chempıony atanǵan myqtylar da az emes.
