Astanaǵa 13 keli esirtki ákelgen Jambyl oblysynyń turǵyny ustaldy

NUR-SULTAN. QazAqparat – Elorda tártip saqshylary Jambyl oblysynyń turǵynyn 13 keli esirtkimen ustady, dep habarlaıdy QazAqparat qalalyq PD baspasóz qyzmetine silteme jasap.

«Nur-Sultan qalasy PD Esirtki qylmystaryna qarsy is-qımyl basqarmasynyń qyzmetkerleri 37 jasar Jambyl oblysynyń turǵynyn qolǵa tústi. Ol 13 keli «gashısh» esirtkisin qalaǵa «Qaraǵandy-Nur-Sultan» tas jolyndaǵy beket arqyly alyp ótpek bolǵan jerde ustaldy», delingen habarlamada.

Qazirgi ýaqytta kúdikti qalalyq PD-nyń ýaqytsha ustaý ızolıatoryna qamaldy. Atalmysh fakti boıynsha sotqa deıingi tergep-tekserý júrgizilýde.

Baspasóz qyzmetiniń málimetinshe, kúdikti esirtkini elorda aýmaǵynda taratpaq bolǵan. Polıtsııa esirtki satýshylardyń qylmystyq baılanysy men satý ornyn anyqtaý barysynda ári qaraı is-sharalar júrgizýde.